O ACTO TERÁ LUGAR O MARTES, 27 DE MARZO, NA CASA DA CULTURA FERNANDO PEREIRA DE ARCADE
O BNG de Soutomaior organiza un acto público, enmarcado na campaña sobre a reforma laboral e en apoio da folga xeral do xoves 29 de marzo, que o Bloque Nacionalista Galego está a levar a cabo por todo o país. No acto partiparán Fernando Herrero -portavoz municipal no Concello-, Rafael Iglesias – Secretario Comarcal da CIG- e Montserrat Prado –Secretaria de Organización do BNG.
Para o BNG, esta reforma laboral é un conxunto de disparates que só benefician a banca e ás grandes multinacionais, e que atentan contra as maiorías sociais. Así, a clase traballadora virá minguada o seu poder adquisitivo, e recortados ou aniquilados dereitos sociais e laborais que custou décadas alcanzar. Por outra banda, empresariado do noso país, que vive nun 90% do mercado interior, verá como estes recortes, lonxe de acelerar a recuperación económica, empobrecerán aos seus potenciais compradores; descendendo polo tanto o consumo.
Entre todos, os máis prexudicados serán as mozas e mozos, as mulleres e os maiores de 45 anos; precisamente os colectivos que xa hoxe teñen o acceso máis difícil ao mercado laboral e as condicións máis precarias. Todo isto agrávase en Galiza, onde dende que goberna Feijóo, o paro bateu o récord histórico até alcanzar os 271.284 persoas. E o noso Concello lonxe de estar alleo a esta situación é un clarísimo exemplo da mala xestión do emprego por parte do Partido Popular, pasando de 493 desempregados a mediados do 2008 a 910 en decembro do 2011.
Ningún comentario:
Publicar un comentario