OS NACIONALISTAS DECLARAN
QUE O MODELO IMPOSTO POLO PP LIMITA O TIPO DE ALEGACIÓNS QUE SE PODEN PRESENTAR
O BNG de Soutomaior, acusa ao goberno local
do Partido Popular de estar a xerar confusión as veciñas e veciños do concello
nas consultas sobre o Plan de Urbanismo, dificultando o seu dereito a se
defender no proceso de alegacións. Fernando Herrero, voceiro nacionalista,
denuncia que “son varios os casos nos que os veciños se queixan de que a
información que lle deu o concello é máis que discutíbel, cando non
directamente falsa”. Tamén critica que "dende o BNG levamos un mes
agardando a que os técnicos nos dean información sobre unha consulta relativa
ao linde municipal, que fomos facer en persoa até en 2 ocasións".
Dende o grupo nacionalista afirman que
o PP pretende impoñer este PXOM a toda costa, chegando a empregar todo tipo
ambigüidades e falsidades. Critican con dureza que no modelo de alegacións
publicado polo concello, obrigue aos veciños a aportar documentación que o
concello xa ten no seu poder, contradicindo o establecido na Lei de
Procedemento Administrativo, e coa única finalidade de "enlear e
dificultar o dereito dos veciños a defenderse" sinala Herrero.
Así mesmo, dende o BNG sinalan que ese modelo
de alegación do PP, dificulta que os veciños poidan tratar diferentes tipos de
afectacións, polo que se verán na obriga de "gastar o seu diñeiro en
técnicos e avogados para defender as súas propiedades" xa que "nin a
información, nin os documentos que impón o concello abondan para que os veciños
poidan defenderse" .
Dende o BNG tamén convidan aos veciños a
que fagan o exercicio de ver a
calificación das propiedades dos membros do PP neste PXOM, "é un exercicio
moi útil para decatármonos de cales son os verdadeiros intereses desta
xente" sinala Herrero.
Ningún comentario:
Publicar un comentario