O
BNG de Soutomaior denunciou no último pleno os problemas que están a sufrir os
usuarios do tren de cercanías de Arcade, que fai paradas na estación sen coller
nin deixar viaxeiros, en horarios que figuran para este fin. Isto acontece
cando, sen previo aviso aos viaxeiros, o tren fai a súa parada na vía máis alonxada
da entrada da estación.
Os nacionalistas amosaron a súa indignación cando o
alcalde, Agustín Reguera, dixo descoñecer este problema que están a padecer os
viaxeiros, dende hai varios meses, e que ten mesmo saído nos medios de
comunicación. Acusaron ao alcalde de falla de sensibilidade, unha vez máis, cos
asuntos que afectan ás nosas veciñas e veciños. Pedíronlle ao concello que se
informe sobre a situación das obras na estación de Arcade, e que interceda para
que estes problemas non se volvan producir.
O tren de cercanías é un medio de transporte que supón unha
alternativa real ao transporte por estrada para ir traballar, estudar,...; por
iso dende o BNG cremos que obriga das administración fomentar e facilitar e abaratar o seu
uso, sobre todo nos tempos de crise que estamos a vivir.
Ningún comentario:
Publicar un comentario